Erlent

Rauði krossinn fær að fara inn í borgina Homs

Sýrlensk stjórnvöld hafa ákveðið að leyfa fulltrúum Rauða krossins að fara inn í Baba Amr hverfið í borginni Homs í dag. Með þeim í för verður fólk frá systursamtökunum Rauða hálfmánanum í Sýrlandi.

Herlið réðist inn í Homs í gærdag og náði hverfinu Baba Amr á sitt vald. Þar hafa uppreisnarmenn mátt þola stöðuga stórskotahríð undanfarnar vikur.

Áður en stórskotahríðin hófst var talið að um 100.000 manns væru í Baba Amr en nú eru aðeins 4.000 eftir, margir þeirra sárir. Þá er borgin rafmagnslaus og matur og vistir á þrotum.

Mest lesið


Fleiri fréttir

Sjá meira


×

Mest lesið