Sprengjugildrur í Homs

Bílalest Rauða Krossins bíður nú átekta í borginni Homs í Sýrlandi. Fulltrúar samtakanna vonast til að inngöngu í Baba Amr-hverfið í dag en yfirvöld í Sýrlandi meinuðu þeim aðgang að hverfinu í gær.

Samkomulag náðist milli yfirvalda í Sýrlandi og Alþjóðaráðs Rauða Krossins fyrr í vikunni um að samtökin fengi aðgang að stríðshrjáðum svæðum borgarinnar.

Stjórnvöld í Sýrlandi segja að sprengjugildrur séu víða í borginni og segja að ekki sé hægt að tryggja öryggi hjálparstarfsmannanna.

Ban Ki-Moon, framkvæmdarstjóri Sameinuðu Þjóðanna, krafðist þess í gær að fulltrúum Rauða Krossins yrði hleypt inn í Baba Amr-hverfið. Ban sagði að glæpir stjórnvalda í Sýrlandi væru augljósir og að fregnir hefðu borist af aftökum og pyntingum.