Maðurinn á bak við Svarthöfða er látinn

Listamaðurinn sem hannaði útlit Svarthöfða úr Stjörnustríðsmyndunum er látinn. "Þegar orð gátu ekki gert hugmyndum skil þá leitaði ég til hans," sagði George Lucas.

Hönnun Ralps McQuarrie er bersýnileg í öllum Stjörnustríðmyndum. Hann sá um útlit Svarthöfða, Chewbacca, R2-D2 og C-3PO. Hann var 82 ára gamall þegar hann lést.

Á vefsíðu McQuarries segir: „Við eigum eftir að sakna þín Ralph. Þú er skærasta stjarnan í vetrarbrautinni."

McQaurrie kom að útlitshönnun margra kvikmynda. Þar á meðal er E.T. eftir Steven Spielberg og Cocoon frá árinu 1985. Hann hlaut Óskarsverðlaun fyrir þá síðarnefndu.

Hann sá einnig um myndræna útsetningu á umfjöllun CBS fréttastofunnar um Apollo geimferðaáætlunina. Þá hannaði hann einnig geimskipin frægu í kvikmynd Steven Spielbergs, Close Encounters of the Third Kind.

Í tilkynningu frá George Lucas, framleiðanda Stjörnustríðsmyndanna, segir að framlag McQuarries hafi fyllt leikura, höfunda og framleiðendur kvikmyndanna andagift.