Hætta á að smástirni rekist á jörðina á næsta ári

Töluverð hætta er talin á að stórt smástirni rekist á jörðina í febrúar á næsta ári.

Vísindamenn hjá NASA, geimferðarstofnun Bandaríkjanna, hafa reiknað út að smástirnið DA14 muni fara framhjá jörðinni í aðeins 27 þúsund kílómetra fjarlægð á þeim tíma. Þetta er minni fjarlægð en nemur sporbaugi ýmissa gervihantta um jörðina.

DA14 er 60 metrar að stærð og það voru spænskir stjörnuáhugamenn sem fyrst komu auga á það í síðasta mánuði.

David Dunham einn af sérfræðingum NASA segir að rannsaka þurfi braut DA14 nánar og reikna út hvaða áhrif þyngdarafl jarðarinnar hafi á hana.