Norðmenn óttast risavaxna flóðbylgju í Storfjorden

Ótti Norðmanna við risavaxna flóðbylgju í Storfjorden skammt frá Álasundi fer nú dagvaxandi.

Bergstál í stóru fjalli við fjörðinn er orðið svo óstöðugt að það getur hrunið niður í fjörðinn hvenær sem er. Stærð þess er 54 milljónir rúmmetra. Við hrunið myndi skapast flóðbylgja sem yrði um 85 metrar að hæð þegar hún skellur á fjarðarbotninum.

Á svæðinu búa hátt í 7.000 manns í fjórum bæjarfélögum og yrði líf þeirra í stórhættu af flóðbylgjan myndast.

Fjallið sem hér um ræðir er orðið það mest vaktaða í heiminum en norskir vísindamenn segja að þetta sé ekki spurning um hvort fjallið hrynji heldur hvenær. Það gæti orðið á morgun og það gæti orðið eftir 20 ár.