Sjófuglum hefur fækkað verulega í heiminum

Ný rannsókn bendir til að fækkun sjófugla sé ekki eingöngu bundin við Ísland heldur sé þetta orðið að vandamáli um allan heim.

Rannsókn þessi var unnin af fuglaverndarsamtökunum Bird Conservation International og hún sýnir að veruleg fækkun hefur orðið í um helmingi af stofnum allra sjófugla í heiminum. Þar af eru um 28% þeirra taldir í hættu á útrýmingu.

Samtökin hafa sérstakar áhyggjur af albatrossum en 17 og 22 tegundum albatrossa í heiminum eru taldar í útrýmingarhættu.

Sjófuglar eru aðeins um 3,5% af öllum fuglategundum í heiminum en þeir eru taldir gefa mikilvægar vísbendingar um ástand lífríkisins í hafinu. Fram kemur í rannsókninni að sjófuglar séu í mun meiri hættu á útrýmingu en aðrar fuglategundir í heiminum.

Íslendingar kannast við þetta vandamál en hérlendis hafa komið fram tillögur um að friða fimm tegundir sjófugla fyrir skotveiðimönnum sem og fyrir eggjatöku vegna þess hve þeim hefur fækkað á undanförnum árum.