Setrið úr Home Alone slegið á 1.5 milljón dollara

Húsið úr kvikmyndinni Home Alone frá 1990 hefur loks verið selt. Eigendur hússin fengu rúmlega 1.5 milljón dollara fyrir glæsihýsið en það er margfalt minna en það sem upphaflega var farið fram á.

Húsið er greypt í huga kvikmyndaunnenda en það var þungamiðja fyrstu kvikmyndarinnar í Home Alone seríunni. Það lék í raun aðalhlutverk kvikmyndarinnar ásamt Macaulay Culkin.

Setrið var reist á þriðja áratugnum og er staðsett í Chicago. Húsið er í nýlendustíl og hefur lítið sem ekkert breyst frá því að kvikmyndagerðamenn gerðu sig heimakomna í því fyrir rúmum tveimur áratugum.

Húsið er 400 fermetrar að stærð. Fjögur hjónaherbergi eru í húsinu ásamt stórfenglegri borðstofu. Hið alræma svefnloft er enn á sínum stað.

Hægt er að sjá brot úr Home Alone hér fyrir ofan.