135 látnir í Kasmír

Talið er að 135 hafi látist í snjóflóðinu í Kashmír fyrr í dag. Talsmaður pakistanska hersins staðfesti þetta í viðtali breska ríkisútvarpið.

Að minnsta kosti 12 lík hafa verið dregin úr fönn í hlíðum Himalaya-fjalla í dag. Snjóflóðið féll á bækistöð pakistanska hersins í Karakoram fjallgarðinum.

Í fyrstu var talið að 100 hermenn hefðu grafist undir snjónum. Þessi tala hefur nú verið leiðrétt af talsmanni pakistanska hersins.

Björgunarmenn hafa leitað á svæðinu í dag og notast þeir við þyrlur og leitarhunda.

Búðirnar eru í 6.300 metra hæð. Afar erfið skilyrði hafa verið á svæðinu í dag. Þá hefur frost farið niður fyrir -70 gráður og vindur verið mikill.

Indland og Pakistand gera bæði tilkall til Karakoram svæðisins. Því hafa löndin verið með mikinn mannafla á svæðinu undanfarin ár. Indverjar eru með rúmlega 5.000 hermenn á svæðinu og pakistanar með 2.500.