Marilyn Monroe kosin besti strandkroppur sögunnar

Þótt hálf öld sé liðin frá ótímabæru andláti hennar er bandaríska leikkonan Marlyn Monroe enn að vinna titla fyrir kvenlega fegurð.

Það nýjasta í sögu Marilyn Monroe er að lesendur breska blaðsins Daily Mail hafa kosið hana besta strandkropp allra tíma. Þar skýtur Marlyn margri íturvaxinni konu ref fyrir rass.

Annars vekur athygli að konur með mjúkar línur eru áberandi í topp tíu sætunum yfir heitustu strandkroppa heimssögunnar. Kim Kardashian er að sjálfsögðu í hópnum en það er Ursula Andress einnig. Margir muna eflaust eftir hvítum bikini sundfötum Ursulu í fyrstu James Bond myndinni Dr. No.

Af öðrum konum með mjúkar línur í topp tíu sætunum má svo nefna Raquel Welch og Helen Mirren.

Daily Mail hefur orð á að þekktar mjónur eins og Kate Moss og Victoria Beckham ná ekki inn í efstu tuttugu sætin.