Neytti kókaíns í Hvíta Húsinu

Grínistinn David Cross segist hafa neytt kókaíns í Hvíta Húsinu á meðan forseti Bandaríkjanna flutti ræðu.

Cross, sem er þekktastur fyrir að leika misheppnaða sálfræðinginn Tobias Fünke í sjónvarpsþáttunum Arrested Development, heldur því fram að hann hafi sniffað kókaín undir borði árið 2009 á kvöldverði fréttaritara í Hvíta Húsinu.

Grínistinn hefur aldrei farið leynt með eiturlyfjanotkun sína en þessi staðhæfing hans slær flestum sögum hans við.

Cross lýsir atburðinum í viðtalið í tímaritinu The Rollin Stone. "Ég var með ögn af kókaíni sem ég setti á handabakið á mér," sagði Cross. "Ég skreið síðan undir borð þegar ræðan var í fullum gangi."

Hann segist hafa verið í 20 metra fjarlægð frá Barack Obama þegar hann skreið undir borðið.