Rúmlega sjötugur maður er sá minnsti í heimi

Aldraður maður frá Nepal heldur því fram að hann sé minnsti maður veraldar og vill fá staðfestingu á því frá heimsmetabók Guinnes.

Hinn 72 ár gamli Chandra Bahadur Dangi er aðeins 56 sentímetrar á hæð. Hann er því nokkrum sentímetrum minni en núverandi heimsmethafi, Junrey Balawing frá Filippseyjum en hann er 60 sentímetrar á hæð.

Dangi mun á næstu dögum hitta fulltrúa Guinnes í Katmandu, höfuðborg Nepal.

Hann er ekki fyrsti Nepalbúi sem gerir tilkall til titilsins en Khagendra Thapa Magar var eitt sinn minnsti maður veraldar (64 sentímetrar að hæð).