Strauss-Kahn laus úr haldi lögreglunnar

Dominique Strauss-Kahn fyrrum forstjóri Alþjóðagjaldeyrissjóðsins var látinn laus úr haldi frönsku lögreglunnar í borginni Lille í gærkvöldi.

Þar hafði hann verið í haldi og yfirheyrslum í nærri tvo sólarhringa vegna rannsóknar á vændishring sem nýlega var upprættur.

Strauss-Kahn er gert að mæta fyrir dómara þann 28. mars næstkomandi en þá verður ákveðið hvort hann veri ákærður í málinu.

Átta manns hafa þegar verið handteknir vegna málsins sem gengur undir nafninu Carlton málið í Frakklandi. Nafnið vísar til að vændisskonurnar voru allar keyptar í kynsvallsveislur á lúxushótelum í Frakklandi.