Mexíkóskir vísindamenn þróa bóluefni gegn heróíni

Á meðan fíkniefnagengi berjast um yfirráð á götum Mexíkó hafa nokkrir vísindamenn þar landi þróað bóluefni sem dregur verulega úr ávanabindingu heróíns.

Prófanir hafa gengið afar að sögn vísindamannanna, svo vel að gefið hefur verið leyfi fyrir tilraunum á mönnum. Vísindamennirnir hafa fengið einkaleyfi fyrir lyfinu í Bandaríkjunum. Yfirvöld í Bandaríkjunum og Mexíkó hafa heitið því að styðja verkefnið.

Bóluefnið gerir líkama sjúklinga ónæma fyrir áhrifum heróíns. Fíklar koma því ekki til með finna fyrir sæluvímunni sem fæst með fíkniefninu.

„Bóluefnið er fyrir þá sem eru langt gegnir í fíkn sinni," sagði Maria Elena Medina, einn af stjórnendum rannsóknarinnar, í gær. Lyfið er því ætlað þeim sem reynt hafa að losa sig við fíknina með eðlilegum hætti en ekki borið árangur.

Fíkniefnavandi Mexíkó er afar alvarlegur. Gríðarlegt magn heróíns er framleitt í landinu og er því smyglað til nágrannalanda. Glæpagengi, sem hagnast um marga milljarða á fíkniefnasölu, hafa sett svip sinn á daglegt líf í Mexíkó og hafa tugir þúsunda fallið af hendi þeirra.

Tvö gengi berjast um yfirráð í Mexíkó. Þetta eru Sinaloa samtökin og Zetas. Gengin rækta heróínið í Sierra Madre fjallagarðinum í Mexíkó og því breytt í efni sem kallast „Black Tar" og „Mexican Mud" áður en þau eru flutt úr landi.

Samkvæmt heilbrigðisyfirvöldum í Mexíkó eru um 450.000 fíklar í Mexíkó og er meirihluti þeirra háður heróíni.