IKEA birtir leiðbeiningar á YouTube

IKEA hefur bænheyrt þá sem þjást af brenglaðri rýmisskynjun og hefur stofnað sérstaka rás á myndbandasíðunni YouTube.

Á rásinni verða birt leiðbeiningarmyndbönd fyrir hin ýmsu húsgögn og mun IKEA svara fyrirspurnum frá viðskiptavinum sínum á rásinni.

Aðeins eitt myndband er komið á rásina en það er vægast áhugavert.

Fróðleiksmolar spretta fram í teiknuðum loftbólum og hlutlaus lyftutónlist róar þreyttar taugar á meðan starfsmenn IKEA sýna réttu handtökin.

Hægt er að sjá kynningarmyndbandið hér fyrir ofan.