Twitter-fuglinn hefur víst nafn

Blái fuglinn hefur verið einkennismerki samskiptasíðunnar Twitter síðan hún var stofnuð árið 2006. Nú hefur nafn fuglsins loks verið opinberað.

Ryan Server, einn af stjórnendum Twitter, opinberaði á tækniráðstefnu fyrr í vikunni að fuglinn hafi verið nefndur „Larry" þegar vörumerkið var skapað.

Mikið hefur verið rætt um nafngiftina á Twitter og eru margir ósáttir við nafnið. Fuglinn hefur nafnið frá körfuboltagoðinu Larry Bird, sem spilaði lengi með Boston Celtics í NBA deildinni.

Server benti á að Larry hafi tekið miklum breytingum síðustu ár og hafa vængir hans til dæmir stækkað verulega.