Draugagangur heftir endurbyggingu í Japan

Endurbygging á þeim svæðum sem verst urðu úti í jarðskjálftanum við Japan á síðasta ári ganga erfiðlega - fregnir af draugangi hafa fælt vinnumenn frá svæðinu.

Íbúar í borginni Ishinomaki eru sannfærðir um að villtar sálir hinna dauðu séu á reiki í borginni. Svo sannfærðir eru íbúarnir að vinnumenn í borginni hafa ákveðið að leggja niður verkfæri sín.

Þeir telja að hinir framliðnu muni ásækja þá ef þeir hrófla við rústunum.

„Ég hef heyrt að fólk veikist eftir að hafa unnið í rústunum," sagði Satasho Abe, verkfræðingur. „Fjöldi fólks lést í þessari borg og sorglega endalok þeirra eru hér allstaðar."

Leigubílstjórar hafa jafnvel neitað að aka um nokkur svæði í borginni.

En nöturlegasta frásögnin kemur líklega frá aldraðri konu í borginni. Hún segist hafa séð mikinn fjölda drauga hlaupa upp hlíðarnar sem umkringja borgina - rétt eins og þau gerðu á sínum síðustu andartökum þegar fljóðbylgjan skall á borginni.