"Ég er háð því að borða plast"

Átján ára stúlka í Bandaríkjunum heldur því fram að hún sé háð því að borða plast. Hún segist hafa étið 60.000 plastvörur á síðustu 11 árum.

Fjallað verður um fíkn Kailyn frá Sacramento í þættinum My Strange Addiction sem er til sýningar á sjónvarpsstöðinni TLC.

Kailyn segir að það sé í raun ekki bragðið af plastinu sem heilli hana, mun frekar sé það áferðin. Hún segist hafa borðað 12 fjarstýringar, 5.000 perlur, rúmlega 1.000 kokteilprjóna, 100 gaffla, um tíu vatnsflöskur, tvær snuddur, þrjú geisladiskahulstur, 50 herðatré o.fl.

Sjónvarpsfjarstýringar eru í miklu uppáhaldi hjá Kailyn. Framleiðendur þáttarins báðu hana um að sýna sér hvernig hún fer að því að borða eina slíka. „Ég byrja á því að taka hnappana af og borða þá," sagði Kailyn.

En tilfelli Kailyn er ekki það furðulegasta sem fjallað er um í My Strange Addiction. Í nýrri þáttaröð verður einnig fjallað um Nathaniel frá Arkansas sem laðast kynferðislega að bílnum sínum.

Hægt er að sjá umfjöllun TLC hér.