Saudí-Arabar vilja að ályktun gegn Sýrlandi verði samþykkt

Saudí-Arabar reyna nú að fá Allsherjarþing Sameinuðu þjóðanna til að samþykkja ályktun þar sem þess er krafist að látið verði af átökum og ofbeldi í Sýrlandi og að Bashar al-Assad víki úr stóli forseta.

Aðeins er vika síðan að Rússar og Kínverjar beittu neitunarvaldi í Öryggisráðinu til að stöðva slíka tillögu.

Alla vikuna hafa verið hörð átök í Sýrlandi og hundruð falllið. Allsherjarþingið ætlar að ræða málið á mánudaginn og ætla Sádí-Arabar að freista þess að koma ályktun sinn í gegn þar.

Ályktanir þingsins eru þó máttlausari en ályktanir Öryggisráðsins þar sem þær eru ekki lagalega bindandi. Hins vegar hefur engin þjóð rétt á að beita neitunarvaldi á þinginu og því ætti að vera auðveldara að koma henni í gegn þar.