Býður ástföngnum pörum að skoða skolphreinsistöð

Viltu gera eitthvað nýtt á Valentínusardeginum? Hvað með að bjóða makanum í skolphreinsistöðina í New York?

Þannig reynir yfirmaður skolphreinsistöðvarinnar í Brooklyn í New York að lokka ástfangin pör til þess að skoða verksmiðjuna á Valentínusardeginum sem er þann 14. febrúar næstkomandi.

Jim Pynn, yfirmaður skolphreinsistöðvarinnar segir að gestir munu ekki aðeins upplifa tækniundrið sem stöðin er, heldur munu þau fá súkkulaðikossa frá Herseys að auki.

Pynn býðst til þess að leiða gesti í gegnum þessa flóknu stöð sem hefur það eitt að markmiði að eyða úrgangi úr íbúum New York. Þannig líkir hann hjarta stöðvarinnar við mennskan maga sem brýtur niður úrganginn svo úr verður meinlaus aur og gas.

Eru þið ekki sannfærð?

Pynn segir að eftir hina rómantísku gönguferð fái gestirnir að fara á þak verksmiðjunnar sem þar sem Manhattan-eyjan blasir við. Útsýnið er allavega fallegt.

„Ef þetta verður ekki rómantískt, þá er þetta allavega góð saga til þess að segja frá," sagði Pynn að lokum.