Erlent

Fannst látin á hótelherbergi

Dívan Whitney Houston.
Dívan Whitney Houston.
Bandaríska söng- og leikkonan Whitney Houston er látin, 48 ára að aldri. Hún fannst látin á hótelherbergi í Los Angeles.

Ekkert hefur verið gefið upp um dánarorsök en ekki er talið að um saknæmt athæfi hafi verið að ræða. Hún hafði átt við vímuefnavanda að stríða um nokkurt skeið. Whitney átti milljónir aðdáenda um allan heim. Hún var á hátindi feril síns á níunda og tíunda áratug síðustu aldar.

Þá gaf hún út metsölulög eins og "How Will I Know og "I Wanna Dance With Somebody" og lék í myndinni "The Bodyguard". Nokkuð fór þó að halla undan fæti þegar hún giftist fyrrverandi eiginmanni sínum Bobby Brown. Tíðar fréttir af heimilisofbeldi og eiturlyfjaneyslu Whitney tóku að berast og fór svo að rödd hennar tók að bresta.

Whitney skildi við Bobby árið 2007 en saman áttu þau eina dóttur. Grammy-verðlaunaathöfnin verður haldin í Bandaríkjunum í kvöld og mun andlát Whitneyar setja mark sitt á hátíðina.


Tengdar fréttir

Whitney Houston látin

Söngkonan Whitney Houston er látin, 48 ára að aldri. Talskona hennar staðfestir þetta í samtali við Associated Press. Dánarorsök liggur ekki fyrir. Whitney var ein dáðasta söngkona heims og hlaut fjölda verðlauna fyrir söng sinn. Hún átti lengi við vímuefnavanda að stríða og fór síðast í meðferð í fyrra.




Fleiri fréttir

Sjá meira


×