Grunur leikur á að Whitney hafi drukknað í baðkari

Grunur leikur á að söngdívan Whitney Houston hafi drukknað í baðkari á hóteli sínu þar sem hún fannst látinn. Þannig greinir vefsíða The Daily Mail frá því að lífvörðurinn hennar hafi fundið hana andvana.Reynt var að endurlífga Whitney í 20 mínútur áður en gefist var upp.

Grunur leikur á að lyfjaneysla hafi orðið til þess að hún lést. Whitney var með nokkurt magn af uppáskrifuðum lyfjum í herberginu.

Dóttir Whitney, hin átján ára gamla Bobbi Kristina lenti svo í hávaðarifrildi við lögregluna í Los Angeles þegar hún reyndi að komast inn á hótelherbergið til móður sinnar samkvæmt fréttavef Daily Mail.

Það er hinsvegar ljóst að engin ólögleg fíkniefni voru á hótelherberginu hennar Whitney samkvæmt fréttavef Daily Mail. Þar kemur hinsvegar fram að hún hafi drukkið ótæpilega með félögum sínum á hótelinu skömmu áður en hún snéri upp á hótelherbergið sitt.