Dómstóll segir kynþáttafordóma ekki í bókinni Tinni í Kongó

Dómstóll í Brussel í Belgíu hefur kveðið upp þann úrskurð að kynþáttafordóma sé ekki að finna í teiknimyndabókinni Tinni í Kongó.

Málaferlin í þessu máli hafa staðið í fimm ár. Það var Kongóbúinn Mbutu Mondondo sem höfðaði málið. Hann telur að í bókinni séu íbúar Kongó sýndir sem, einfaldir, heimskir og latir.

Í málinu voru m.a. lögð fram þau rök að þegar bókin var skrifuð árið 1931 var sýn Evrópubúa á íbúa Afríku allt önnur en hún er í dag.

Þótt dómstólinn hafi komist að þessari niðurstöðu er það samt staðreynd að fjöldi bókabúða utan Belgú hefur hætt að selja þessa Tinnabók einmitt vegna þess hvernig skrifað er um blökkumenn í henni.