Bar upp bónorð á verðlaunapallinum

Ólympíumeistari í sundi bað unnustu sinnar eftir að hann hafði tekið við gullpeningi á sundmóti í Missouri í Bandaríkjunum.

Matt Grevers sigraði í 100 metra baksundi á Missouri Grand Prix mótinu á laugardaginn. Eftir að hafa tekið við verðlaunapeningnum beið hann þangað til að verðlaunapallurinn var tómur. Hann bað síðan kærustu sína, Annie Chandler, um að stíga á pallinn og sitja fyrir á ljósmynd.

Grevers dró síðan fram trúlofunarhringinn og bað Chandler. Mikil fagnaðarlæti brutust út í sundhöllinni þegar parið innsiglaði trúlofun sína á verðlaunapallinum.

Grevers vann til tveggja gullverðlauna á Ólympíuleikunum árið 2008. Hann vonast til þess að endurtaka leikinn á komandi Ólympíuleikum.

Hægt er að sjá myndband af atvikinu hér að ofan.