Ljónynja drap gæslumann sinn

Gæslumaður í dýragarði í Suður-Afríku lést eftir að ljón beit hann í hálsinn. Atvikið átti sér stað í dýragarðinum í Jóhannesarborg.

Joe Ramonetha hafði unnið í dýragarðinum í tæp 40 ár. Hann annaðist ljón dýragarðsins árum saman.

Ramonetha lést eftir að tíu ára gömul ljónynja slapp úr búri sínum. Hún beit Ramonetha í hálsinn. Starfsmenn dýragarðsins heyrðu öskur hans.

Þegar samstarfsmenn Ramonetha komu á staðinn var hann látinn.

Forstöðukona dýragarðsins sagði að Ramonetha hafi unnið með ljónunum mjög lengi. „Hann hafði myndað tengsl við dýrin," sagði Louise Gordon.

„Þetta voru ósjálfráð viðbrögð hjá ljónynjunni. Líklega af því að hann hljóp frá henni. Hún meðhöndlaði lík hans ekki eins og um bráð væri að ræða."