Wikileaks fordæmir UNESCO

Stjórnendur uppljóstrunarsíðunnar Wikileaks fordæma menningarstofnun Sameinuðu Þjóðanna fyrir að meina aðstandendum síðunnar aðgangi að ráðstefnu stofnunarinnar um Wikileaks.

Ráðstefnan hefst á morgun og verður haldin í höfuðstöðvum UNESCO í París. Ræðumennirnir verða 37 talsins og eru aðstandendur Wikileaks afar ósáttir við að enginn muni tala fyrir málstað síðunnar. Talsmaður UNESCO sagði að það væri réttur stofnunarinnar að velja ræðumenn sína.

„Aðeins andstæðingar Wikileaks fá að tala á ráðstefnunni," segir í yfirlýsingu frá Wikileaks.

Julian Assange, stofnandi Wikileaks, sagði að UNESCO sé nú orðið að brandara í alþjóðamannréttindum. „Ákvörðun UNESCO er fjarstæða. Með því að bera fyrir sig tjáningarfrelsi þegar talsmönnum Wikileaks er meinaður aðgangur er vanvirðing við stjórnarskrá UNESCO."

Kristinn Hrafnsson, talsmaður Wikileaks, sagði að ákvörðun UNESCO væri hneisa og gæti haft slæmar afleiðingar fyrir Wikileaks.