Milljónamæringur í verslunaræði lagður inn

Bandarískur milljónamæringur var fluttur á sjúkrahús eftir að hafa eytt 20 milljón dollurum í gjafir og smámuni í New York í gær. Hann eyddi meðal annars 1.6 milljón dollara í sápu.

Vitni á vörusýningunni í New York segja að hinn 68 ára Ed Bazinet hafi hreinlega hlaupið á milli sölubása og keypt allt sem hann sá. Þetta er ekki í fyrsta skipti sem verslunaræði heltekur Bazinet því hann varði tæpum 40 milljónum dollara í smámuni á verslunarsýningu í París í síðustu viku.

Hönnuðurinn Nima Oberoi sagði að Bazinet hafi augljóslega verið í annarlegu ástandi. „Hann hljóp til og frá og sagði „ég vill 1.000 stykki af þessu og 1.000 af hinu.""

Undarleg hegðun Bazinet varð til þess að hann var fluttur á spítala. Vinir hans sögðu að hann hafi einfaldlega ekki verið með réttu ráði.

Bazinet var greindur með brjálsjúkt þunglyndi og geðhvarfasýki.