Vill milljarð fyrir koníakssafn

Hollenskur maður ætlar að freista þess að selja koníaks-safn sitt en það telur yfir fimm þúsund flöskur. Verðmætasta flaskan í safninu er metin á um 150 þúsund evrur. Það er ansi mikið fyrir gott koníak en það sem er merkilegt við flöskuna er að hún kemur frá herliði Napólenos og er frá árinu 1795.

Það sem er þó sérstakt við söluna er að hann vill selja allar flöskurnar í einu, ekki verður hægt að kaupa stakar flöskur. Maðurinn sem heitir Bay van der Bunt vill fá sex milljónir evra fyrir safnið eða, tæpan einn milljarð íslenskra króna. Langafi hans hóf að safna koníakinu árið 1880 en nýjasta flaskan er frá árinu 2011.

„Við erum að vonast til að fá kaupanda frá auðugum Rússa eða Kínverja því við teljum að fólk frá þessum löndum vilji eyða peningum sínum í svona hluti," segir Bart Laming, sem annars söluna fyrir safnarann.