Erlent

Allsherjarþing SÞ samþykkir ályktun gegn Sýrlandsstjórn

Allsherjarþing Sameinuðu þjóðanna hefur samþykkt ályktun þar sem þess er krafist að stjórnvöld í Sýrlandi hætti þegar í stað árásum á borgara sína og að Assad forseti, láti af völdum.

Þessi ályktun er samhljóma þeirri sem felld var í Öryggisráði Sameinuðu þjóðanna nýlega en hún er ekki bindandi. Atkvæði voru greidd um hana í gærkvöldi og var hún samþykkt með 137 atkvæðum gegn 12.

Rússar og Kínverjar greiddu atkvæði á móti eins og í Öryggisráðinu.




Fleiri fréttir

Sjá meira


×