Marijúanaflugvél flaug of nálægt Obama Bandaríkjaforseta

Bandaríski flugherinn sendi tvær F-16 herþotur í veg fyrir litla Cessna 182 flugvél við flugvöllin í Los Angeles í gærkvöldi.

Ástæðan var sú að herþyrla með Barack Obama Bandaríkjaforseta innaborðs var á flugi frá vellinum og þótti Cessna vélin vera óþægilega nálægt þyrlunni. Flugmaður Cessna vélarinnar svaraði ekki fyrirskipunum um að halda sig frá þyrlunni.

Herþoturnar neyddu Cessna vélina til að lenda á öðrum flugvelli og við rannsókn á flugvélinni kom í ljós að þar voru 10 kíló af marijúna innanborðs. Flugmaðurinn verður kærður fyrir fíkniefnasmygl.