Adele æf vegna meints kynlífsmyndbands

Hin margverðlaunaða söngkona Adele hefur fyrirskipað lögfræðingum sínum að kæra franskan ljósmyndara fyrir að birta kynlífsmyndband þar sem hún er sögð vera í aðalhlutverki.

Talsmaður Adele sagði að staðhæfingar ljósmyndarans væru ósannar og ærumeiðandi. Adele hyggst kæra ljósmyndarann fyrir rógburð. Góðvinur Adele sagði franska tímaritinu Public að söngkonan væri miður sín vegna málsins.

Ljósmyndarinn heldur því fram að fyrrverandi kærasti Adele hafi tekið myndbandið. Sá hinn sami hefur áður krafist þess að Adele gefi honum hlut af ágóða plötunnar 21 sem kom söngkonunni á kortið. Kærastinn, sá aldrei hefur verið nafngreindur, er helsti áhrifavaldur Adele en lög hennar fjalla mörg hver um skilnað þeirra og afleiðingar framhjáhalds hans með öðrum karlmanni.

Í nýjasta tölublaði Public kemur fram að á myndbandinu sé að finna ástaratlot konu og karlmanns í baksæti bifreiðar. Myndbandið var tekið upp á snjallsíma.

Adele íhugar einnig að stefna blaðinu fyrir að birta ljósmyndir úr myndbandinu.

Ljósmyndarinn hefur ekki tjáð sig opinbera um myndbandið og hefur vefsíðu hans verið lokað. Hann birti skilaboð á samskiptasíðunni Twitter þar sem hann hvetur fólk til að ná sér í nýjasta tölublað Public og kynna sér málið.