Minntust forfeðra sinna með bálför

Skoskir afkomendur víkinga minntust forfeðra sinna í bænum Lerwick í gær. Hátíðarhöldin náðu hámarki þegar eldur var borinn að tignarlegri galeiðu.

Hátíðin er kölluð „Up Helly" og hefur verið haldin árlega frá árinu 1870. Skoskir nútímavíkingar hylla þá skandinavísku forvera sína sem komu að landi á Hjaltlandseyjum og Orkneyjum árið 875.

Það var síðan í gær sem íbúar Lerwick fögnuðu þessum merku tímamótum. Hundruðir víkinga gengu um götur bæjarins með logandi kyndla á lofti og stærðarinnar galeiðu í eftirdragi.

Um kvöldið hringuðu víkingarnir skipið og báru eld að því.