Síberíukuldinn breiðist út um Evrópu

Síberíukuldinn sem hrjáð hefur íbúa í mið- og austurhluta Evrópu undanfarna daga hefur breiðst út víðar um álfuna. Nær kuldinn nú allt suður til Ítalíu og austur til Tyrklands.

Í miðhluta Ítalíu eru vegir lokaðir fyrir flutningabíla vegna snjókomu og aflýsa varð nokkrum fótboltaleikjum þar vegna kuldans. Þá hefur skólum verið lokað í norðurhluta Grikklands en þar mælist nú 16 gráðu frost.

Síberíukuldinn hefur þegar kostað yfir 80 mannslíf, aðallega í Póllandi, Búlgaríu og Úkraníu og hundruðir manna hafa þurft að leita sér læknisaðstoðar vegna kalsára og ofkælingar

Íbúar á Norðurlöndunum búa sig undir að kuldinn skelli á þeim um helgina.