Allir í bænum unnu í happdrætti nema einn maður

Spænskur maður situr eftir með sárt ennið eftir að allir bæjarbúar í heimabæ hans unnu í happdrætti nema hann. Þau skiptu á milli sín 600 milljónum evra.

Um 70 heimili í bænum Sodeto á Spáni unnu í happdrættinu El Gordo.

En einn maður, kvikmyndagerðamaðurinn Costis Mitsotakis, varð útundan þegar bæjarbúar voru skráðir í happdrættið á síðasta ári.

Mitsotakis sagðist vera afar sorgmæddur yfir happdrættinu. En hann getur þó glaðst yfir því að nágranni hans notaði nýfengin auðævi sín til að kaupa landskika sem hann hefur reynt að selja síðustu ár.