Trump lýsir yfir stuðningi við Romney

Hinn litríki viðskiptamaður Donald Trump hefur lýst yfir stuðningi sínum við Mitt Romney í baráttunni um hver verði valinn sem forsetaefni Repúblikanaflokksins í haust.

Trump segir í yfirlýsingu að hann sé viss um að Romney muni koma í veg fyrir að slæmir hlutir haldi áfram að koma fyrir landið sem þeir báðir elska.

Næsta prófkjör Repúblikana er í Nevada á morgun, laugardag. Þar er búist við stórsigri Romney en hann mælist nú með 45% fylgi í ríkinu. Newt Gingrich, helsti keppninautur hans mælist með 25% fylgi.