Manning mun fara fyrir herdómstól

Bandaríski herinn hefur staðfest að Bradley Manning, greiningasérfræðingnum sem gefið að sök að hafa lekið þúsundum skjala sem innihéldu mikilvægar öryggisupplýsingar til uppljóstrunarsíðunnar Wikileaks, verði sóttur til saka fyrir herdómstólum, að því er kemur fram á fréttavef BBC.

Manning á yfir höfði sér lífstíðarfangelsi en bandaríski herinn lítur þannig á málið að Manning hafi með upplýsingalekanum verið að aðstoða óvininn. Ekki er ljóst hvenær Manning kemur fyrir réttinn en hann var handtekinn í maí 2010.

Í bráðabirgðayfirheyrslum kom fram að Manning hafði rúmlega 500.000 gögn undir höndum. Í gögnunum voru meðal annars skýrslur frá vígvöllum ásamt upplýsingum um Julian Assange, stofnanda Wikileaks.