Erlent

Tíu ára stúlka uppgötvaði nýja sameind

Clara Lazen með sameindalíkanið.
Clara Lazen með sameindalíkanið. mynd/Fox
Tíu ára gömul stúlka í Missouri í Bandaríkjunum uppgötvaði nýja sameind eftir að kennari sýndi henni grunnatriðin í sameindafræði.

Clara Lazen hafði aldrei heyrt um sameindir áður en kennarinn hennar sýndi henni nokkur risavaxin atóm. Nokkrum mínútum seinna hafði Clara skapað nýja sameind.

„Ég sá betri leið til að raða atómunum," sagði Clara á meðan hún sýndi fréttamanni Fox sameindalíkanið. „Þú veist, það er minna af holum núna. Þau passa betur saman."

Eftir að kennari Clöru hafði ráðfært sig við kollega sína var ákveðið að kynna litla undrabarnið fyrir efnafræði prófessornum Dr. Robert Zoellner. Hann staðfesti að um nýja sameind var að ræða.

Dr. Zoellner og Clara hafa nú birt umfjöllun um sameindina í víðfrægu efnafræði tímariti. „Ég hef aldrei unnið með 10 ára námsmanni," sagði Dr. Zoellner.

Ef Dr. Zoellner og Clöru tekst að mynda sameindina gæti það leitt til nýrra lyfja og rafhlaðna. Clara tók einnig fram að hægt væri að framleiða nýja tegund af sprengiefni með sameindinni.

„Ég gæti reyndar selt hernum sameindina," sagði Clara hlæjandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið