Óttast um afdrif rússneskra vísindamanna á Suðurpólnum

Ekkert hefur heyrst frá hópi rússneskra vísindamanna í eina viku en þeir eru við rannsóknir á Suðurpólnum. Menn hafa miklar áhyggjur af afdrifum þessa hóps en markmið hans var að ná sýnum úr dularfyllsta stöðuvatni heimsins.

Um er að ræða Vostok vatnið sem legið hefur undir ís í um 16 milljónir ára. Hópurinn þarf að bora í gegnum þriggja kílómetra íshellu til að ná sýnum úr vatninu.

Ítrekað hefur verið reynt að ná talstöðvarsambandi við hópinn undanfarna sjö daga en án árangurs. Mikill kuldi er á þessum slóðum eða 45 gráðu frost.

Vatnið er á mjög einangruðum stað á Suðurpólnum og þúsundir kílómetra eru í næsta hafnarbæ og flugvöll.