Yfirvöld í Íran banna Simpson

Yfirvöld í Íran hafa nú bannað leikföng af bandarísku þáttaröðinni Simpson og er nú bannað að selja eða eiga slík leikföng í landinu. Það er þó í lagi að eiga Superman og Spiderman.

Yfirvöld segja að bannið sé liður í að koma í veg fyrir að Íranar verði fyrir áhrifum frá bandarískri menningu en Barbie-dúkkan var bönnuð í landinu árið 1996. Það er þó í lagi fyrir írönsk börn að eiga Spiderman og Superman enda eru ofurhetjurnar undirokaðar, að sögn yfirvalda.

Íranir hafa reynt að koma í veg fyrir bandaríska menningu og lífviðhorf frá árinu 1979. Fjórðungur landsmanna er undir 15 ára en landið flutti inn 57 milljónir leikfanga á síðasta ári.

Með ýmsum bönnum hefur orðið til svartur markaður í landinu fyrir leikföng á borð við Barbie, en talið er að heildarverðmæti leikfanga sem smyglað er inn í landið sé um 20 milljónir bandaríkja dala, eða um tveir og hálfur milljarður íslenskra króna.