Utanríkisráðherra Rússa fagnað sem hetju í Rússlandi

Sergei Lavrov utanríkisráðherra Rússlands var fagnað sem þjóðhetju af stuðningsmönnum Assads Sýrlandsforseta þegar Lavrov kom til landsins í dag. Þúsundir veifuðu sýrlenskum og rússneskum fánum á götum höfuðborgarinnar Damaskus en Lavrov kom til borgarinnar til viðræðna við Assad forseta.

Rússar og Kínverjar beittu á dögunum neitunarvaldi sínu í öryggisráði Sameinuðu þjóðanna gegn tillögum um auknar refsiaðgerðir vegna ástandsins í Sýrlandi en þúsundir hafa fallið þar síðustu mánuði í átökum stjórnarhermanna og mótmælenda. Lavrov hefur lagst gegn auknum refsiaðgerðum og þráfaldlega sagt að Sýrlendingar þurfi sjálfir að leysa sín mál.