Dularfullt mál kínversks lögreglustjóra

Mál Wang Lijun eins af þekktustu lögreglustjórum Kína verður æ dularfyllra. Nú er talið að Wang hafi sótt um pólitískt hæli í Bandaríkjunum en bandaríska innanríkisráðuneytið hefur ekki viljað staðfesta að svo sé.

Wang varð landsþekktur í Kína vegna baráttu sinnar gegn skipulögðum glæpasamtökum í borginni Chongqing. Honum var nýlega vikið frá störfum og er sagður í leyfi vegna vinnuálags.

Það sem flækir málið er að yfirmaður Wang var talinn á leið í eitt af toppembættum kínverska kommúnistaflokksins síðar á þessu ári. Sá yfirmaður hefur rætt mikið um nauðsyn þess að halda glæpamönnum í skefjum.