Vill fá 900 milljarða í skaðabætur

Kona í New York krefst þess að fá 900 milljarða í skaðabætur frá opinberum starfsmönnum borgarinnar. Hún segir að börn sín hafi verið ranglega tekin af henni og færð fósturheimili.

Hin 46 ára gamla Fausat Ogunbayo heldur því fram að barnaverndaryfirvöld hafi brotið á borgararéttindum sínum.

Árið 2008 komust dómstólar að því að Ogunbayo hefði ekki getu til að sjá um börn sín.

Í málsókninni segir Ogunbayo að hún sé heil á geði - þvert á það sem yfirvöld í New York segja. Hún heldur því fram að barnaverndaryfirvöld hafi valdið henni miklu tilfinningalegu álagi og að friðhelgi fjölskyldu hennar hafi verið svívirt.

Yfirvöld í New York hafa ekki tjáð sig um málsóknina.