Fallhlífarstökkvari mun rjúfa hljóðmúrinn

Austurríski ofurhuginn Felix Baumgartner mun á næstu dögum reyna að slá heimsmet í fallhlífarstökki. Hann verður á jaðri gufuhvolfsins þegar hann stekkur.

Baumgartner mun ferðast með blöðru þangað til að hann nær tæplega 37 kílómetra hæð. Lifi hann fallið af verður hann fyrsti maðurinn til að rjúfa hljóðmúrinn án þess að sitja í flugvél.

Verkefnið er kallað Stratos og er styrkt af Red Bull. Geimferðastofnun Bandaríkjanna, NASA, kemur að skipulagningu þess.

Baumgartner verður ekki sá fyrsti til stökkva frá jaðri andrúmsloftsins. Árið 1960 féll Joel Kittinger úr rúmlega 30 kílómetra hæð. Fimm mínútur liðu áður en Kittinger opnaði fallhlíf sína. Baumgartner vonast til að slá heimsmet Kittingers.

Fallhlífarstökkið er afar hættulegt og margt getur farið úrskeiðis. Á meðal þess sem teymi Baumgartners þarf að hafa í huga er gríðarlegur kuldi, lofttæmi, hitabreytingar í andrúmsloftinu og margt annað.

Hægt er að sjá kynningarmyndband Red Bull hér að ofan. Að auki er hægt að sjá fallhlífarstökk Joel Kittinger hér.