Maradona ætlar með Írak á HM

Diego Maradona þykir líklegur til þess að verða næsti landsliðsþjálfari Íraka í knattspyrnu. Hann ætlar sér að koma Írökum í lokakeppni HM árið 2014.

Maradona, sem starfar sem ráðgjafi hjá Al Wasl í Sameinuðu arabísku furstadæmunum, bíður þess að Knattspyrnusamband Íraka ræði stöðuna í dag. Áhugi Maradona á starfinu er greinilega mikill.

„Diego er mjög áhugasamur og hringir í okkur á hverjum degi. Hann vill ekki aðeins stýri Írak næsta hálfa árið heldur til lengri tíma," segir Hernán Tofoni sem á í viðræðum við Íraka fyrir hönd Maradona.

Maradona myndi taka við stjórn liðsins af brasilísku goðsögninni Zico sem sagði starfi sínu lausu vegna samningsbrots.