New York búar vilja draga úr áfengisneyslu

Meirihluti New York-búa vill að borgaryfirvöld hefji aðgerðir til að draga úr áfengisneyslu í borginni. Þetta er niðurstaða könnunar sem gerð var í gær.

Könnunin sýnir að 56% íbúa New York vill draga úr áfengisneyslu í borginni. Hugmyndin var sérstaklega vinsæl hjá foreldrum.

Borgin hefur verið framarlega í aðgerðum gegn reykingum, notkun á transfitu í mat og sett hömlur á stærð íláta undir gosdrykki á veitingastöðum. Orðrómur hefur verið á kreiki um að áfengisneysla sé næst á dagskrá þó ekki hafi komið fram í hverju aðgerðirnar verða fólgnar.