Forfeður okkar klifruðu í trjám

Rannsóknir á beinagrindum forfeðra okkar af tegundinni Australophithecus afarensis sýna að þeir hafa klifrað í trjám, rétt eins og apar. Þar með virðist komin niðurstaða í mál, sem lengi hafa verið skiptar skoðanir um meðal mannfræðinga.

Tveir þekktustu einstaklingarnir af þessari tegund forfeðra okkar hafa verið nefndir Lucy og Selam. Það voru rannsóknir á herðablöðum Selams sem skiluðu þessari niðurstöðu.

Niðurstöður rannsóknanna eru birtar í októberhefti vísindatímaritsins Science.