Obama bruggar sinn eigin bjór

Forsetahjónin Barack og Michelle Obama hafa beðið samstarfsmenn sína um að byrja að brugga bjór innan veggja Hvíta hússins. Fyrsta bruggun hefur nú þegar farið fram og var hátt í 100 bjórkönnum úthlutað í SuperBowl partý Obama hjónanna sem fór fram í Hvíta húsinu í síðasta mánuði og kláraðist hver einasti dropi.

Forstöðumaður Hvíta hússins, Bill Allman, segir að ekki hafi bjór áður verið bruggaður í Hvíta húsinu svo vitað sé en Barack Obama sé ekki fyrsti forsetinn sem bruggar sinn eigin bjór. George Washington bruggaði sinn eigin bjór sjálfur en hann bjó aldrei í Hvíta húsinu

Barack Obama er þekktur fyrir dálæti sitt á bjór. Á G20 fundinum í júní á síðasti ári veðjaði hann upp á kassa af bjór við David Cameron forsætisráðherra Bretlands. Leikur Englands og Bandaríkjanna var þá að fara fram á Heimsmeistaramótinu í knattspyrnu. Leiknum lauk hinsvegar með jafntefli.