Innlent

„Ég er enn að bíða“

Inga Lind Karlsdóttir.
Inga Lind Karlsdóttir. Mynd/Daníel Rúnarsson
„Ég vildi fá svör strax því mér finnst standa upp á stjórnvöld að koma með einhverja lausn. Þau hafa ekki svarað okkur en ætla nú fyrst á sunnudegi að fá að tala við okkur," segir Inga Lind Karlsdóttir, stjórnlagaþingsfulltrúi.

Stjórnlagaþingsfulltrúarnir eiga fund með Ögmundi Jónassyni, innanríkisráðherra, á eftir. Fulltrúarnir ætla að ræða við Ögmund um þá stöðu sem upp er komin í kjölfar ákvörðunar Hæstaréttar um að ógilda kosningarnar. Fundurinn hefst klukkan 16 og verður haldinn í Ofanleiti þar sem stjórnlagaþingið hefur vinnuaðstöðu.

Inga Lind kemst ekki á fundinn þar sem hún er veðurteppt á Akureyri eftir að Öxnadalsheiði var lokað vegna ófærðar.

Þegar ákvörðun Hæstaréttar lá fyrir kallaði Inga Lind eftir tafarlausum viðbrögðum stjórnvalda. Hún segir stjórnlagaþingsfulltrúana ekki fengið nein svör. „Ég átta mig ekki á því hvað þau ætla að gera í stöðunni. Ég er enn að bíða."

Jafnframt segir hún: „Ég get ekkert ákveðið hvað ég geri fyrr en að sé hver viðbrögð stjórnvalda verða. Ég er ekkert rosalega hrifin af þeim uppástungum sem komið hafa um að sniðganga niðurstöðu Hæstaréttar og halda þingið samt. Það hugnast mér ekkert sérstaklega vel."


Tengdar fréttir

„Til hamingju með daginn ríkisstjórn“

Vigdís Hauksdóttir, þingkona Framsóknarflokksins, segir að öll ábyrgð á þeirri stöðu sem nú er komin upp varðandi stjórnlagaþingið hvíli hjá ríkisstjórninni og sérstaklega hjá „barnsmóður“ stjórnlagaþingsins, Jóhönnu Sigurðardóttur, forsætisráðherra.

Ef um svindl væri að ræða ætti einhver að axla ábyrgð

Innanríkisráðherra segir stjórnarmeirihlutann staðráðinn í að stjórnlagaþing verði haldið og kjósa þurfi aftur til þess. Hann segir engan hafa gert athugasemdir við frumvarp um framkvæmd kosninganna, heldur hafi menn deilt um hvort yfirleitt ætti að boða til stjórnlagaþings.

Fulltrúi á stjórnlagaþingi: Ólétt og atvinnulaus

Hin tuttugu og fjögurra ára gamla Ástrós Gunnlaugsdóttir, sem náði kjöri á stjórnlagaþing, segir niðurstöðu Hæstaréttar mikil vonbrigði. Hún eyddi sparifénu í kosningabaráttuna, tók sér frí frá námi og situr nú ólétt heima. Hún íhugar að leita réttar síns og vonar að einhver grípi inn í.

Stjórnlagaþingfulltrúar funda með ráðherra

Stjórnlagaþingsfulltrúarnir 25 funda með Ögmundi Jónassyni, innanríkisráðherra, í dag. Þar munu fulltrúarnir ræða við ráðherrann um þá stöðu sem upp er komin í kjölfar ákvörðunar Hæstaréttar um að ógilda kosningu þeirra.

Jón sagði já en meinti nei

Jón Gunnarsson, þingmaður Sjálfstæðisflokksins, gerði mistök þegar atkvæði voru greidd um frumvarp til laga um stjórnlagaþing aðfaranótt 16. júní síðastliðið sumar. Jón var eini þingmaður Sjálfstæðisflokksins sem greiddi atkvæði með málinu. Óli Björn Kárason sagði nei en aðrir þingmenn flokksins sátu hjá eða voru fjarverandi atkvæðagreiðsluna.

Illugi: „Miklir menn eru þeir þremenningar“

Illugi Jökulsson sem náði kjöri á stjórnlagaþing segir að þremenningarnir sem kærðu framkvæmd kosninganna til stjórnlagaþings séu „miklir menn." Þetta kemur fram á Facebook-síðu hans.

Stjórnlagaþingmenn funduðu í dag: Útilokum ekki neitt fyrirfram

„Við áttum fyrst fund með undirbúningsnefndinni til þess að hún gæti fengið viðbrögð okkar við þessu ástandi," segir Ómar Ragnarsson sem var einn þeirra sem náði kjöri í stjórnlagaþingskosningunum í haust. 22 af 25 fulltrúum áttu fund í dag þar sem farið var yfir stöðuna sem upp er komin eftir að Hæstiréttur ógilti kosninguna.

„Forseti, nú kjósum við bara aftur“

Margrét Tryggvadóttir þingmaður Hreyfingarinnar sagði á Alþingi í dag að mikilvægasta málið núna væri að stjórnlagaþingið yrði haldið og að Íslendingar fái róttæka endurskoðun á stjórnarskránni.

Vilja semja stjórnarskrá

Stjórnlagaþingsfulltrúar vilja að Alþingi veiti sér heimild til að koma saman og leggja drög að nýrri stjórnarskrá sem kosið yrði um í þjóðaratkvæðagreiðslu áður en Alþingi fjallaði um málið. Þetta kom fram á fundi stjórnlagaþingsfulltrúa í morgun.

„Tökum ekki stjórnlagaþingið frá þjóðinni“

Jóhanna Sigurðardóttir forsætisráðherra segir ekki koma til greina að hætta við stjórnlagaþingið. Jóhanna flutti munnlega skýrslu um þá stöðu sem nú er komin upp eftir að Hæstiréttur lýsti kosningu til stjórnlagaþings ógilda. Hún fór yfir ástæðurnar sem Hæstiréttur taldi grundvöllur fyrir ógildingu og benti á að fyrst og fremst væri fundið að vinnulagi við framkvæmd kosninganna en ekki lögin sjálf. Hún benti á að ekkert af þeim atriðum sem Hæstiréttur tilgreindi hafi komið fram sem raunveruleg vandamál við framkvæmdina.

Þingmenn sameinist um stjórnlagaþing

Jóhanna Sigurðardóttir, forsætisráðherra, segir eðlilegt að stjórnarþingmenn og þingmenn úr röðum stjórnarandstöðu sameinist um nýtt frumvarp til laga um stórnlagaþing eftir ákvörðun Hæstaréttar um ógildingu kosninganna.

Mest lesið


Fleiri fréttir

Sjá meira


×

Mest lesið