Dularfullt morðmál í Bandaríkjunum

Lík John Wheeler sem starfað hafði fyrir þrjá af forsetum Bandaríkjanna fannst á ruslahaug í Delaware í gærdag. Lögreglan telur að hann hafi verið myrtur.

Wheeler, sem var 66 ára gamall, starfaði áður fyrir Ronald Reagan, George Bush eldri og George Bush yngri sem embættismaður og ráðgjafi í hermálum eftir að hafa átt farsælan feril í bandaríska hernum þar sem hann barðist m.a. í Víetnam stríðinu.

Lögreglan telur að líki Wheeler hafi verið hent í ruslagám í Newark eftir að hann var myrtur í síðustu viku en gámurinn var síðan fluttur og losaður á ruslahaug nálægt Wilmington.