KR vann fyrsta heimasigurinn á FH í átta ár - myndir

KR-ingar unnu 2-0 sigur á FH í stórleik gærkvöldsins í Pepsi-deild karla en þetta var í fyrsta sinn síðan sumarið 2003 sem KR-liðið fagnar heimasigri á móti FH. KR er fyrir vikið komið með níu stiga forskot á Hafnfirðinga.

Viktor Bjarki Arnarsson og Baldur Sigurðsson skoruðu mörk KR-liðsins í gærkvöldi en áður hafði Hannes Þór Halldórsson, markvörður KR, varið vítaspyrnu frá FH-ingnum Matthíasi Vilhjálmssyni.

Stefán Karlsson, ljósmyndari Fréttablaðsins og Vísis, var á leiknum á KR-vellinum í gærkvöldi og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.