Síðasta afmælið sem alþýðustúlka

Katrín Middelton væntanleg prinsessa af Bretlandi heldur í dag í síðasta skipti upp á afmæli sitt sem venjuleg alþýðustúlka, en hún mun ganga að eiga Vilhjálm prins hinn 29. apríl næst komandi.

Katrín er 29 ára gömul í dag en litlar upplýsingar hafa verið gefnar um hvernig hún ætlar að eyða deginum. Í gær voru hins vegar gefnar nokkrar upplýsingar um brúðkaupsdaginn.

Staðfest var að Rowan Williams erkibiskup af Kantaraborg mun gefa Katrínu og Vilhjálm saman og brúðurin mun mæta til kirkju í bíl, en ekki hestvagni eins og Díana móðir Vilhjálms gerði á sínum tíma. Þau munu aftur á móti fara frá kirkjunni að Buckingham höll í hestvagni að athöfn lokinni.